पुणे : विद्यापीठ आणि महाविद्यालयात सहायक प्राध्यापक पदासाठी अनिवार्य असलेल्या राष्ट्रीय पात्रता परीक्षेचे (यूजीसी नेट) परीक्षेच्या तारखा जाहीर करण्यात आल्या असून याबाबत विद्यापीठ अनुदान आयोगाचे (यूजीसी) अध्यक्ष एम जगदेश कुमार यांनी ट्विट करून माहिती दिली आहे. त्यांनी सांगितले की, UGC-NET डिसेंबर 2021 आणि जून 2022 या दोन्ही परीक्षांच्या विलीनीकरणाच्या तारखा जाहीर झाल्या आहेत. मात्र, यासंबंधीची संपूर्ण माहिती अद्याप जाहीर करण्यात आलेली नाही. पण लवकरच ते अधिकृत वेबसाइट – nta.ac.in वर अपडेट केले जाईल.
परीक्षा कधी होईल
अध्यक्षांनी आपल्या ट्विटमध्ये पुढे सांगितले आहे की, ही परीक्षा 08 जुलै, 9 जुलै, 11 जुलै, 12 जुलै आणि 12 ऑगस्ट, 13 ऑगस्ट, 14 ऑगस्ट 2022 रोजी होणार आहे. माहितीनुसार, त्याचे प्रवेशपत्रही लवकरच जारी केले जाणार आहे. प्रवेशपत्र जारी केल्यानंतर, तुम्ही अधिकृत वेबसाइटवरूनच ते डाउनलोड करण्यास सक्षम असाल. यापूर्वी एप्रिलमध्ये, UGC चेअरमनने घोषणा केली होती, “पुढील UGC-NET परीक्षा जून 2022 च्या पहिल्या/दुसऱ्या आठवड्यात घेतली जाईल.” त्यांनी आता परीक्षेच्या तारखा जाहीर केल्या असल्या तरी, संपूर्ण डेटशीट अधिकृत वेबसाइट्सवर प्रसिद्ध केली जाईल – nta.ac.in किंवा ugcnet.nta.nic.in.
परीक्षेशी संबंधित सर्व तपशील जाणून घ्या
नॅशनल टेस्टिंग एजन्सी ही परीक्षा ८२ विषयांसाठी ऑनलाइन पद्धतीने आयोजित करेल. UGC NET परीक्षा वर्षातून दोनदा घेतली जाते. कोरोनामुळे डिसेंबर 2021 मध्ये UGC NET परीक्षा पुढे ढकलण्यात आली होती. त्यामुळेच २०२२ च्या परीक्षेलाही उशीर झाला. नंतर, UGC ने NTA सोबत, जून 2022 सत्र परीक्षा तसेच डिसेंबर 2021 ची प्रलंबित परीक्षा घेण्याचा निर्णय घेतला होता.
प्रवेशपत्र कसे डाउनलोड करावे
सर्वप्रथम तुम्हाला ugcnet.nta.nic या अधिकृत वेबसाइटवर जावे लागेल.
यानंतर, होम पेजवर दिसणार्‍या ‘UGC-NET डिसेंबर 2021 आणि जून 2022 सायकल्ससाठी प्रवेशपत्र डाउनलोड करा’ या लिंकवर क्लिक करा.
आता तुमच्या समोर एक नवीन पेज उघडेल. येथे अर्ज क्रमांक, जन्मतारीख आणि सुरक्षा पिन प्रविष्ट करा आणि सबमिट बटणावर क्लिक करा.
आता तुम्ही UGC NET Admit Card 2022 डाउनलोड करू शकता आणि त्याची प्रिंट काढू शकता.
