राजस्थानच्या पाली येथे जन्म झालेल्या उम्मुल खेर (Ummul Kher) यांची कहाणी ही केवळ एक यशोगाथा नाही, तर ती एक प्रेरणादायी कथा आहे जी कोणालाही संघर्ष करायला प्रोत्साहित करेल. लहानपणापासूनच त्यांना शिक्षणाची आवड होती, परंतु त्यांच्या आयुष्यात आलेल्या अनेक अडचणींनी त्यांना मागे घेता येणार नाही हे सिद्ध केले. UPSC Success Story in Ummul Kher
उम्मुल यांचे बालपण दिल्लीतील एका लहानश्या झोपडीत गेले. त्यांचे वडील घरोघरी जाऊन कपडे विकायचे, तर त्यांच्या आईचे निधन लहान वयातच झाले. वडिलांनी दुसरे लग्न केल्यानंतर, उम्मुल यांना शाळेत जाण्यापासून मनाई करण्यात आली. मात्र, त्यांनी हार मानली नाही आणि एकटे राहून शिक्षण पूर्ण करण्याचा निर्णय घेतला. आठवीत असताना त्यांनी घर सोडले आणि लहान मुलांचे ट्युशन घेतले, ज्यातून त्यांनी आपला खर्च भागवला.
२०१२ मध्ये उम्मुल यांच्या आयुष्यात एक दुर्दैवी अपघात झाला, ज्यामुळे त्यांना जवळपास एक वर्ष व्हील चेअरवर बसावे लागले. बोन फ्रैजाइल डिसॉर्डर नावाच्या आजारामुळे त्यांच्या शरीरातील हाडे कमजोर झाली होती, ज्यामुळे त्यांच्या पायात १६ फ्रॅक्चर झाले आणि ८ सर्जरी कराव्या लागल्या. या सर्व अडचणींना तोंड देत, त्यांनी जेएनयूमध्ये मास्टर इन इंटरनॅशनल स्टडीजसाठी प्रवेश परीक्षा दिली आणि त्यातून मिळालेल्या पैशातून शिक्षणाचा खर्च भागवला.
उम्मुल यांनी लहानपणापासूनच आयएएस व्हायचे होते. त्यांनी पीएचडी केल्यानंतर यूपीएससी परीक्षेची तयारी केली आणि पहिल्याच प्रयत्नात यूपीएससी परीक्षा क्लिअर केली. त्यांनी ४२०वी रँक मिळवली आणि आयएएस अधिकारी बनण्याचे स्वप्न पूर्ण केले.
