MPSC Success Story : महाराष्ट्र लोकसेवा आयोग म्हणजे MPSC मार्फत घेतल्या जाणाऱ्या पोलीस उपनिरीक्षक या पदावर मुक्ताईनगर येथील राऊष संजीव वाढे याने कोणताही क्लास न लावता बाजी मारली. त्याची पोलीस उपनिरीक्षक म्हणून निवड झाली आहे.
राऊष यांच्या नियुक्तीनंतर संपूर्ण मुक्ताईनगर शहरात मिरवणूक काढून त्याचे जंगी स्वागत करण्यात आले. विशेष म्हणजे कोणतेही क्लासेस न लावता स्वकष्टातून व प्रचंड चिकाटीने अभ्यास करून हे यश संपादन केले आहे.
त्यांनी बेसबॉल या खेळांमध्ये सहभाग घेवुन राज्य व राष्ट्रीय स्पर्धेमध्ये चुणुक दाखविली. बेसबॉल या खेळात दोन वेळा राष्ट्रीय पातळीपर्यंत मजल मारुन दोन वेळा सुवर्ण पदक प्राप्त केले. शिक्षणासोबतच त्यांनी स्पर्धा परिक्षांचा अभ्यास सुरु ठेवला. कोणत्याही प्रकारचे क्लासेस न लावता त्यांनी हे यश संपादन केले. ते जे.ई. स्कूल व ज्यु. कॉलेजचे क्रीडाशिक्षक संजीव वाढे यांचे पुत्र आहे. यशाचे श्रेय ते आई, वडील, बहिण, भाऊ व मार्गदर्शक शिक्षकांना देतात.
