महाराष्ट्र लोकसेवा आयोगाने महाराष्ट्र गट-ब (अराजपत्रित) सेवा संयुक्त पूर्व परीक्षा – २०२५ अधिसूचना जारी केली आहे. ‘एमपीएससी’ने जाहीर केलेल्या भरतीप्रक्रियेतून आधीच्या २८२ आणि आता नव्याने समावेश झालेल्या पोलीस उपनिरीक्षक पदांच्या एकूण ३९२ मिळून ६७४ जागा भरल्या जाणार आहेत.
यासाठी पात्र उमेदवारांना ऑनलाईन पद्धतीने अर्ज करावा लागणार आहे. या भरतीसाठी अर्ज करण्याची प्रक्रिया सुरु असून अर्ज करण्याची शेवटची तारीख २१ ऑगस्ट २०२५ निश्चित करण्यात आली आहे.
गट – ब ची जाहिरातीत ‘पीएसआय’च्या जागा नसल्याने हजारो उमेदवार निराश झाले होते. त्या जाहिरातीत २८२ जागांसाठी जाहिरात काढण्यात आली होती. त्यामुळे हजारो उमेदवार नाराज झाले होते. आता या भरतीत गट ब च्या ३९३ जागाचा समावेश केल्याने हजारो उमेदवारांना मुख्य परीक्षा देण्याची संधी मिळणार आहे.
भरतीची जाहिरात पाहण्यासाठी : येथे क्लीक करा
शैक्षणिक अर्हता?
विद्यापीठाची पदवी किंवा समतुल्य असणारी शासनाने घोषित केलेली इतर कोणतीही तत्सम अर्हता असणे गरजेची असेल.
वयोमर्यादा : पोलीस उपनिरीक्षक संवर्गाकरीता अर्ज करणाऱ्या उमेदवारांचे वय ०१ नोव्हेंबर, २०२५ रोजी किमान १९ ते कमाल ३६ वर्षे. मागासवर्गीय उमेदवार, दिव्यांग, खेळाडू आणि अनाथ उमेदवार यांना असलेली वयोमर्यादेतील शिथिलतेची सवलत यापैकी कोणतेही अधिकत्तम असलेली एकच सवलत देय राहील.विहित वयोमर्यादा इतर कोणत्याही बाबतीत शिथिल केली जाणार नाही.
यावर्षी पदवी परीक्षेस बसलेले उमेदवार प्रस्तुत संयुक्त पूर्व परीक्षेस तात्पुरते पात्र असणार आहेत. या मुख्य परीक्षेच्या प्रवेशासाठी पात्र ठरणाऱ्या उमेदवारांनी संबंधित संवर्गाच्या मुख्य परीक्षेकरीता अर्ज स्वीकारण्यासाठी विहित केलेल्या अंतिम दिनांकापर्यंत पदवी परीक्षा उत्तीर्ण होणे आवश्यक असणार आहे. इंटर्नशिप किंवा कार्यशाळेतील कामाचा अनुभव आवश्यक असणाऱ्या पदवीधारकाने ही अट मुख्य परीक्षेचे अर्ज स्वीकारण्याच्या विहित अंतिम दिनांकापर्यंत पूर्ण करावी लागणार आहे.
