सरकारी अधिकारी होण्यासाठी तरुण तरुणी अहोरात्र मेहनत घेत असतात. अशातच बीडमधील आष्टी तालुक्यातील एसटी चालकाच्या मुलाने, महाराष्ट्र लोकसेवा आयोगाची (MPSC) परीक्षा उत्तीर्ण होऊन सरकारी अधिकारी होण्याचे स्वप्न पूर्ण केले आहे. ही घटना न केवळ त्याच्या कुटुंबासाठी तर संपूर्ण तालुक्यासाठीही अभिमानाची बाब ठरली आहे.
पाटोदा तालुक्यातील पाटसरा येथे राहणारे पोपट गर्जे हे एसटी महामंडळात चालक म्हणून काम करतात. त्यांचा मुलगा नितीन गर्जे (Nitin Garje) हा ग्रामीण भागातून आलेला तरुण आहे ज्याने खडतर परिस्थितीत उच्च शिक्षण घेतले आणि आता महसूल सहाय्यक पदी निवड झाली आहे. नितीनच्या यशाने त्याच्या आई-वडिलांच्या मेहनतीचे चीज करून दाखवले आहे.
एकट्या आष्टी तालुक्यातूनच सात जणांची MPSC परीक्षेतून महसूल सहायक पदी निवड झाली आहे, ही बाब विशेष उल्लेखनीय आहे. नितीन गर्जे याने दिवसरात्र मेहनत करून अभ्यास केला आणि त्याचे स्वप्न पूर्ण केले. गावी पोहोचताच त्याचे मोठ्या उत्साहात स्वागत करण्यात आले आणि आई-वडिलांनी मुलाच्या यशाचा आनंद संपूर्ण गावभर साजरा केला.
प्रत्येक आई-वडिलांचे स्वप्न असते की त्यांचे मूल काहीतरी मोठं व्हावे, आणि नितीन गर्जेने हे स्वप्न पूर्ण करून त्यांच्या आशा पूर्ण केल्या आहेत. एसटी चालकाच्या मुलाने सरकारी अधिकारी होण्याचे स्वप्न होते आणि त्याने ते साकारले आहे, ही घटना इतर तरुणांसाठी प्रेरणा देणारी आहे.
