UPSC Success Story : लग्नानंतर सासरची जबाबदारी अंगावर आल्यानंतर मुलींना शिक्षण करणे अवघड होत असते, असे म्हटले जाते. परंतु जर आपली आवड असली आणि इच्छा असली तर सर्व काही शक्य होते. हे पल्लवी गुट्टे यांची करून दाखवले आहे.वाहतूक शाखेतील पोलीस निरीक्षक साहेबराव गु्ट्टे यांच्या सूनबाई आहेत. तर सेवा निवृत्त झालेले पोलीस उप-अधीक्षक संग्राम सांगळे यांची मुलगी.
पल्लवी ही उच्चशिक्षित असून लग्नानंतर ही तिने परीक्षेची तयारी सोडली नाही. या स्पर्धा परीक्षेच्या अभ्यासात पल्लवी यांना पती स्वरूप यांची देखील मोलाची साथ मिळाली. स्वरूप हे देखील उच्चशिक्षित असून इन्फोसिस कंपनीमध्ये कार्यरत आहेत. पल्लवी यांनी या पूर्वीदेखील त्यांनी युपीएससीची परीक्षा दिली होती. मुलाखतीपर्यंत त्यांनी मजल मारली होती. मात्र त्यात तिला यश मिळाले नाही. तरी ही त्यांनी खचून न जाता आपले प्रयत्न सुरूच ठेवले.
केंद्रीय लोकसेवा आयोगाच्या परीक्षेत पल्लवी यांनी ४५२ वा रँक मिळवला आहे. मूळात, पल्लवीने संसाराचा गाडा यशस्वीपणे सांभाळत युपीएससीत यश मिळवले आहे. दुसऱ्या प्रयत्नात पल्लवीने २०२२ च्या लोकसेवा आयोगाच्या परीक्षेत यश गाठले. काही दिवसापूर्वी केंद्रीय लोकसेवा आयोगाचा 2022 परीक्षेचा अंतिम निकाल जाहीर झाला. या परीक्षेत अशा विद्यार्थ्यांनी यश मिळवले आहे, ज्याच्या पाठीमागे जबाबदारीचा गाडा असतानाही त्यांनी मोठी मेहनत घेऊन या परीक्षेत घवघवीत यश मिळवले आहे.
