DRDO Recruitment 2022 : संरक्षण संशोधन आणि विकास संस्था म्हणजेच DRDO ही केवळ भारतातील लष्कर किंवा संरक्षण क्षेत्राशी संबंधित कामात सक्रिय नाही, तर सामान्य लोकांसाठी वेळोवेळी नवनवीन संशोधनही करत असते. या कामांसाठी डीआरडीओला कर्मचाऱ्यांची गरज आहे. गेल्या काही वर्षांपासून येथे कर्मचाऱ्यांची कमतरता आहे. अशा परिस्थितीत आता रिक्त जागा भरण्यासाठी 1248 शास्त्रज्ञांच्या भरतीला अर्थ मंत्रालयाची तत्वतः मान्यता मिळाली आहे. पुढील 3-4 वर्षात ही भरती प्रक्रिया टप्प्याटप्प्याने पूर्ण केली जाईल, असे सांगण्यात येत आहे.
टप्प्याटप्प्याने भरती केली जाईल
या भरती ऑफर अंतर्गत, DRDO च्या विविध प्रयोगशाळांमध्ये वैज्ञानिकांची एकूण 814 पदे रिक्त आहेत. याशिवाय शास्त्रज्ञांची ४३४ नवीन पदेही निर्माण करण्यात आली असून ती भरणे आवश्यक आहे. ही संपूर्ण भरती प्रक्रिया टप्प्याटप्प्याने केली जाईल, असे सरकारचे म्हणणे आहे. सूत्रांनी दिलेल्या माहितीनुसार, मंजूर पदांची संख्या 7773 आहे. सध्या DRDA मध्ये ६९५९ शास्त्रज्ञ काम करतात, जे कामाच्या तुलनेत खूपच कमी आहे.
मेक इन इंडिया थीममुळे कर्मचाऱ्यांची गरज
भारत सरकार गेल्या अनेक वर्षांपासून आपल्या मेक इन इंडिया थीमवर काम करत आहे आणि त्याचा प्रचार करत आहे. ही मोहीम सुरू झाल्यानंतर सध्याच्या कर्मचाऱ्यांचा भार वाढला आहे. हे पाहता, रिक्त पदे लवकरात लवकर भरण्यात यावीत असा निर्णय DRDO ने घेतला आहे. दुसरीकडे माहिती मिळाली आहे की DRDO मधील शास्त्रज्ञांना प्रोत्साहन देण्यासाठी परफॉर्मन्स रिलेटेड इन्सेंटिव्ह स्कीम (PRIS) लागू करण्याची मागणी केली जात आहे. इस्रो आणि अणुऊर्जा विभागात अशा प्रकारची योजना आधीच सुरू आहे.
