UPSC IAS Success Story देशातील अनेक तरुण दरवर्षी IAS किंवा IPS बनण्याची आकांक्षा बाळगतात, परंतू हे ध्येय साध्य करणे कठीण आहे. कारण, त्यासाठी भारतातील सर्वात कठीण अशी युपीएससीचीपरीक्षा उत्तीर्ण होणे आवश्यक आहे. त्यामुळे कित्येकजण रात्रंदिवस खूप मेहनत करूनही ही परीक्षा उत्तीर्ण होऊ शकलेली नाही. पण त्यांच्यामध्ये पहिल्याच प्रयत्नात यशस्वी झालेल्या लोकांची संख्या खूपच कमी आहे. ह्यातले एक आदर्श कांत शुक्ला. हे जिद्दीने पहिल्याच प्रयत्नात IPS ऑफिसर झाले.
IPS आदर्श कांत शुक्ला हे उत्तर प्रदेशातील रहिवासी आहेत.आदर्श कांत शुक्ला यांनी वयाच्या एकविसाव्या वर्षी आयपीएस अधिकारी बनण्यासाठी यूपीएससी उत्तीर्ण केली. तो अगदी सामान्य कुटुंबातून होते. जेव्हा आदर्श या क्षेत्रात आयपीएसमध्ये रुजू झाले… तेव्हा त्याचे वडील राधाकांत शुक्ला एका खाजगी कंपनीत अकाउंटंट म्हणून काम करत होते. त्यांच्या वडिलांनाही प्रशासनात काम करण्याची इच्छा होती. मात्र, घरच्या हलाखीच्या आर्थिक परिस्थितीमुळे त्यांची इच्छा पूर्ण होऊ शकली नाही. पण मुलाने ही इच्छा मेहनतीच्या जोरावर पूर्ण केली.
आदर्श कांत शुक्ल यांचे वडील सुमारे वीस वर्षांपूर्वी त्यांच्या गावातून बाराबंकी येथे आले. ते तेथे नोकरीला असताना भाड्याच्या खोलीत राहिले आणि नंतर त्याने स्वतःचे घर बांधले. अशाही परिस्थितीत त्यांनी मुलांना खूप चांगल्या पद्धतीने घडवले. आदर्शची आई गृहिणी आहे.
आदर्शच्या पालकांनी त्याला चांगले शैक्षणिक शिक्षण देण्याचा नेहमीच प्रयत्न केला. अधिकारी होण्याचे स्वतःचे ध्येय साध्य करण्यात अपयशी ठरल्यानंतर, आदर्शच्या वडिलांनी आपल्या मुलाला आयपीएस अधिकारी बनवून आपली इच्छा पूर्ण करण्याचा निर्णय घेतला. आदर्शनेही खूप प्रयत्न केले आणि लहान वयातच त्याला IPS अधिकारी बनण्याची वडिलांची इच्छा पूर्ण केली.
लहानपणापासूनच शैक्षणिक क्षेत्रात प्रावीण्य मिळवलेल्या आदर्शकांत शुक्ला यांनी बी.एस्सी. लखनौच्या नॅशनल पीजी कॉलेजमधून झाले. त्याने जीवशास्त्रात सुवर्णपदक पटकावले. मग, त्यांनी स्पर्धा परीक्षेची तयारी करायला सुरुवात केली.
व्यवस्थित अभ्यास समजून घेऊन तयारी करत राहिले. २०२० मध्ये, आदर्श प्रथमच नागरी सेवा परीक्षेत बसले. पहिल्याच प्रयत्नात युपीएससीची परीक्षा उत्तीर्ण केल्यानंतर त्यांना आयपीएस हे मिळाले. त्यांना एकूण १४९वा क्रमांक मिळाला. ते आयपीएस झाले. सध्या ते अनेक तरूणांना देखील या संदर्भात मार्गदर्शन करतात. स्वप्न बघितली पाहिजेत जी नक्कीच पूर्ण होतात.
